انتهى عذرك ودمعك واعتبي        عن خداعك أسمحيلي بالهروب

لجل صدقي وحر دمعي واغضبي       إيه أبـبعد بس والله مغصوب

كنت أسامحك يوم كنتي تذنبي       والخيانة غير عن ذيك الذنوب

كم أنا لجلك تناسيت اعوضي        وأنشديهم مالي إلا إنتي عيوب

كنتي مالي كنتي ناسي وذهبي       كيف صار المنـتصر فيك مغلوب

آهـ  يا شمسي بغيتك تغربي       أفضل من الصبح..ليلٍ به غروب

بنسى إنك قـد سكنتي بهدبي        وبلعنه قلب إذا شافك يذوب

لو شمال من الهوى لو تجنبي       لو شراعك في بحر غيري يجوب

ما تلاقي مثل قلبي... وجربي       لا يمل ولا يخـون ولا يتوب

اخدعي نفسك وقولي بسبـبي       النهار بـحبنـا جـاه الغـروب

اكذبي فيني ... وفيني عذبي       الجـبل ما حرك أطرافه هـبوب

لك يجي يوم أكـيد وتشربي       نفس كاسك ... بس من مثلك لعوب

-'-{ أرسل المعاني لحبيبتك }-'-